Архитектура және сызу пәнінің оқытушысы

🎨 Архитектура және сызу пәнінің оқытушысы (Онлайн)

QADAZ — Шығармашылық емтиханға дайындау орталығы!

Біздің миссиямыз: «Шынайы өмірге дайын, креативті тұлғаларды қалыптастыру». Біз оқушыларды тек тестке дайындап қана қоймай, болашаққа шынайы түрде бейімдейміз: жоғары сынып оқушыларымыз нақты компанияларда стағы өтіп, болашақ мамандығын саналы түрде таңдауға мүмкіндік алады.

Біздің орталықтың академиялық бөліміне балаларды жетекші жоғары оқу орындарының шығармашылық емтихандарына дайындайтын тәжірибелі Архитектор-оқытушы іздейміз!

📌 Негізгі шарттар:

Формат: Онлайн

Жұмыс кестесі: Дүйсенбі – Жұма, күндізгі уақыттан кейін (16:00 – 21:00 аралығында, тұрақты)

Оқыту тілі: Қазақ тілі

Еңбекақы: Әр өткізілген сабақ үшін 10 000 теңге

🎯 Негізгі міндеттер:

Бекітілген кестеге сәйкес практикалық сабақтарды уақытылы және сапалы ұйымдастыру.

Әр сабаққа алдын ала мұқият дайындалу (тақырыпқа сай тапсырмалар, референстер мен қажетті материалдарды әзірлеу).

Оқушылардың практикалық жұмыстарын тексеріп, қателерін нақты көрсету және оларды түзету жолдарын түсіндіру.

Әр оқушының шығармашылық және техникалық даму динамикасын қадағалап, жеке прогресін бақылау.

ҚазГАСА, ЕҰУ, Шабыт, Т.Жүргенов атындағы ҚазҰӨА және басқа да негізгі ЖОО-лардың шығармашылық емтихан форматтарына, уақыты мен критерийлеріне сай дайындау.

Оқушылардың шығармашылыққа деген қызығушылығын арттырып, қиын сәттерде мотивациясын қолдау.

✨ Кандидатқа қойылатын талаптар:

Білімі мен тәжірибесі: Архитектура немесе дизайн саласында жоғары білім және кемінде 3 жыл жұмыс тәжірибесі.

Емтихан талаптарын білу: Қазақстандағы шығармашылық емтихан талаптарын (ҚазГАСА, ЕҰУ, Шабыт, Жүргенов т.б.) жетік білу және оқушыларды соған сәйкес бағыттай алу.

Практикалық көрсетілім: Сабақ барысында сызу, сурет салу, композиция және басқа да тапсырмаларды тікелей көрсетіп, орындау техникасын түсіндіре алу.

Техникалық сауаттылық: Онлайн форматта жұмыс істеу үшін компьютер, планшет немесе графикалық планшетті еркін қолдана білу (қажет болған жағдайда жұмысты қағазға өзі салып/сызып көрсету мүмкіндігі).

Жеке қасиеттер: Балалармен жылы әрі сенімді қарым-қатынас орната алу, эмпатияның жоғары болуы, сабырлылық, оқушылардың сұрақтарына мүдірмей нақты жауап бере алу және сабақты қызықты, интерактивті өткізу.